Shenjat që tregojnë se mund të keni sëmundje autoimune

Sëmundjet autoimune prekin 5-10% të popullsisë në botë, rreth 50 milionë njerëz në SHBA, ku pjesa më e madhe janë femra (10 herë më tepër se meshkujt). Ato konsiderohen një ndër 10 shkaqet kryesore të vdekjes tek femrat nën moshën 65 vjeç. Shumica e njerëzve nuk e dinë sesa serioze janë këto sëmundje të kohëve moderne, ku trupi shkatërron vetveten.

Sëmundjet autoimune mund të jenë të tipeve të ndryshme, si artriti reumatoid, lupusi, diabeti i sheqerit i tipit 1, sëmundjet e tiroides (në formën Graves ose Hashimoto), psoriaza, skleroza multiple, etj.

Në varësi të organit të prekur, ato shkaktojnë tipe të ndryshme simptomash, që përfshijnë të gjithë organizmin, në formën e tyre të lehtë deri të rëndë. Rëndësi të veçantë për të tilla sëmundje ka diagnostikimi sa më i hershëm, pasi një trajtim korrekt mund të ngadalësojë ritmin e përparimit të proçesit autoimun, pra shkallën e inflamacionit indor.

Për t’ju ndihmuar sa më shumë në këtë drejtim, po ju njohim më poshtë me shenjat kryesore, të cilat mund t’ju tregojnë që keni një sëmundje autoimune:

1. Dhimbje të kyçeve dhe/ose të muskujve

2. Pafuqi ose dridhje trupore

3. Rënie në peshë ose shtim në peshë në mënyrë të pashpjegueshme