Çfarë tregon mungesa e menstruacioneve?

Kur një femër nuk ka menstruacione, gjëja e parë që i vjen ndërmend është shtatzania, por ka edhe faktorë të tjerë që e shkaktojnë këtë simptomë. Një prej tyre është amenorrhea sekondare, që shfaqet në rreth 4% të femrave dhe klasifikohet si një mungesë e menstruacioneve për 6 muaj ose më tepër, tek një femër që më parë ka patur menstruacione të rregullta.

Ajo mund të shfaqet tek femrat që përdorin pilula kontraceptive ose terapi hormonale zëvendësuese.

Gjithashtu, mungesa e menstruacioneve është e shpeshtë tek femrat që janë obeze, ato që ushtrohen shumë dhe për kohë të gjatë fizikisht, si dhe tek ato që kanë shumë pak ind dhjamor (<15-17%).

Të tjera situata që e shkaktojnë këtë çrregullim janë:

• tumoret e trurit

• sëmundjet e gjendrës tiroide

• funksioni i ulur i vezoreve.