Çfare perfaqeson gjendra tiroide dhe pse eshte e rendesishme per organizmin tone?

Tiroidja eshte nje gjender ne formen e flutures, qe gjendet ne pjesen e perparme dhe te poshtme te qafes. Ajo peshon 30-40 gram dhe ne njerezit qe nuk kane mungese te jodit ajo nuk mund te shikohet dhe as te preket. Per te gjykuar mbi permasat, strukturen dhe vaskularizimin(furnizimin me gjak) e kesaj gjendre, perdoret ekografia e tiroides, qe eshte nje egzaminim i thjeshte dhe jotraumatik.

Tiroidja eshte nje gjender endokrine, pjese e sistemit endokrin te organizmit, ku perfshihen te gjitha gjendrat qe prodhojne hormone.

Megjithese e vogel nga madhesia, gjendra tiroide eshte mjaft e rendesishme per organizmin, pasi hormonet qe prodhohen ne te, T3-trijodtironina dhe T4-tiroksina, jane te domosdoshme per proçesin e rritjes se organizmit, zhvillimin fizik dhe intelektual te tij, si dhe per shume proçese te shkembimit te lendeve ne trupin tone(proçese metabolike).

Proçesi i formimit te ketyre hormoneve ne tiroide eshte i varur ne menyre te drejtperdrejte nga sasia e jodit qe organizmi yne perveteson nepermjet ushqimeve natyrore dhe ujit te pijshem, pasi jodi eshte elementi kryesor qe mundeson formimin e T3 dhe T4.

Çdo njeri ka nevoje te pervetesoje rreth 200 mikrogram(0,2 miligram) jod ne dite, sasi kjo e mjaftueshme per nevojat e organizmit. Nese kjo sasi nuk arrihet te merret, gjendra tiroide do te funksionoje ne menyre te sforcuar per te prodhuar hormonet, situate kjo qe manifestohet me zmadhimin e saj. Pikerisht ky zmadhim kompesator qe ben gjendra tiroide, si pasoje e funksionimit te saj te sforcuar, quhet strume(gushe) e tiroides.